072 - Kuch Alag Hi Hai...

Milenge Aur bhi janam mujhe...
Ye janam kuch alag hi hai...
Main jinka bana, mujhe malum nhi....
Mera Sanam kuch alag hi hai...
Mashook, Khubsurat, Haseen bahaut mile mujhe...
Mere dildaar ki baat kuch alag hi hai...
Rakhta hai jab jab wo jaha jaha kadam...
Dil bichnae ko jee karta hai...
Mizaaz to bahauton ke dekh liye maine...
Par uska Nakhra kuch alag hi hai...
Ishq kiya mujhe, Jism bhi talasha mera logo ne...
Par uska dilnaaz kuch alag hi hai...
Ek wahi hai jisne pehchan liye mujhe or kaha....
"E Jaan" Apke IshQ ka Andaaz kuch alag hi hai...
Dekha mujhe nazro se nazar milake kayi husn-e-attishon ne...2
Magar Shaukiyon se bhara wo husn kuch alag hi hai...
Ek ek chhuan uski, gehraai se yaad hai mujhe...
Uske kathne aur nochne ka hisaab kuch alag hi hai...
Kayde kanoon padhke, bahaut ayi or gayi, ginti yaad nhi maaf karna....
Ki uski Tehzeeb, uski haya, uska lihaaz kuch alag hi hai...
Mana maine tazurbedaron ko bhi chakhha hai...ek roz....
Are! kya kahu...
Madhosh krdeti hai ek awaz, bolne ka riyaz kuch alag hi hai...
Yu to kardo uske liye aaj shaam likhte likhte abaad, na ki barbaad...-2
Par shayad, isko bdhane ka wakt, jagah or alam...kuch alag hi hai...
Milenge Aur bhi janam mujhe, Ye janam kuch alag hi hai...
Main jinka bana, mujhe malum nhi...
Mera Sanam kuch alag hi hai...

07th Feb 2014 - Princess loves me most in the entire world. Live writing 8m eve. Soon going to complete 1 year of first feel.

071 - Akela

Us Raat Main Roshan Kuch Yu Hua...
Ki Khud Ki Mehfil Mein Andhera Ho Gaya...
Kab Uski Yaad Mein Raat Kati...
Aur Najane Kab Savera Ho Gaya...
Wakt Ne Mere Li Kuch Aisi Karwatein...
Kaise Kab Kya Hua Kuch Samajh Na Paye...
Kis Ghaat Se Leli Vida, Kis Ghaat Basera Ho Gaya...
Rawani Thi Mauzo'n Ki Jab Sagar Mein...
Sangil "Deepak" Ka Mahol Kuch Aur Tha...
Sangil "Deepak" Ka Mahol Kuch Aur Tha...

Taira To Sab Saath Ho Gaye...

Main Dooba To Akela Ho Gaya...

Main Akela Ho Gaya...

This poetry written for the day 08th Dec 2002 when I lost my home. 11th Nov 2007 - 09:50pm

070 - Laal Patang (Real Feelings For Princess)

Kali ghatao se ghiri hui, akash ki chadar pe
kabhi panchiyo se batlaye, kabhi khud se hi takraye,,,
thandi hawa mein behti hui, ek laal patang, bilkul alag dikh rahi thi

Wo naach rahi thi aise, jaisi use kuch pal hi mile ho,
asmaan mein anchal failane ko…
main dekh raha tha use… apni chat pe tanhai mein leta hua…
main dekh raha tha use… udaas sa, apni bebasi pe rota hua…
ki “laal patang” jab jab, gol gol ghuma karti, mujhe hasi si ajati thi
ki “laal patang” jab jab julfo ki tarah leherti chali jati,

Mujhe hasi si aa jati…
maine us laal patang ko kareeb se dekha,,, wok hush thi asman mein udkar
par itna nhi, ki wo humehsa ud sake…
maine us patang mein apni dor ko bandh diya,
tanhai alag kardi, bebasi ko rok diya, rona tham gaya…
maine use sambhala, or use kayde se ucha udana shuru kiya…

Wo khub khush thi ab, hawa k pardo ko cheerti hui
be khauf chali ja rahi thi, jaise wo asmaan k ant ka pata karna chahati ho,
maine use ye ehsas dilaya, ki wo khub ude, dhang se, apne man se,,,
wo udne lagi, jaise uski dor ki koi seema hi na ho…
jaise use jameen pe ana hi na ho…

Main hasta raha, laal patang ko udata raha…
ab “laal patang” meri hasi, meri khushi,
jeevan ka ek hissa ban gayi thi….
Main use raat mein, thoda niche lake, ped se dor bandh k chod deta
Fir ek nayi subha ke sath, ek naye andaaz se udaan bharta

Kuch din to yuhi chalta raha
Mera dil beehelta raha…
Achanak se, usne uchai kuch jyada pakadli…
Mujhe dar lagne laga, dor na toot jaye
Koi jahaz na takra jaye…
Ki main apni patang ki dor ko majboot karne ki soch hi raha tha..

Ki…
Tabhi…
Ek jahaz aya, meri patang ko khud mein lapet kar le gaya
Or meri door toot gayi…

Mera muh khula ka khula reh gaya…
Tanhai, jo niche padi thi, uchal kar mere dil se lipat gayi
Bebasi ne mere kandhe pakd liye, or main ek bar fir se rone laaga..
Patang ke man mein kya tha… kehna mushkil tha,
Use uchai mein udna pasand tha, chahhe kaisie bhi…
Dor se , ya jahaz se,,,

Wo jahaz se is kadar lipti ki, khub tez, uchi udne lagi, use khayal nhi
Ki door jo niche toot k gir gayi hai, uske kitni chot ayi hogi
Wo door na jane, kitne purane makano pe hoke gujri hogi…
Maine saari dor ek jagah lappet kar rakh li…

Ab “laal patang” akash mein hai, or main dor k sath zameen pe,,,
Umeed hai, ek din laal patang ki najar (call of Princess for 1 min.)
Uske seene pe fase hue, “kanno” pe padegi, shayad fir use dor ki yaad ajaye
Or wo asmaan ko chodke, fir se us dor mein bandhne chali aaye…
kassh ke meri “laal patang” ek bar fir laut aye…

(1.46 to 2.01) pm Saturday 3/11/12 (In the loving memories of my true love - princess)

069 - Mushayra-3

Sayings:
Alawa Mohabbat ke...
Kisi aur ke hum shaukeen nahi...
Laga Liya Hai Rog-e-Ishq gale humne...
Aur Pata Bhi Hai... Iska Koi Hakeem Nahi

Reply:
Mana mohabbat ke alawa..."deepak"
Koi kisi aur ka shaukeen nahi hota hai...
Kaun Kehta Hai La-ilaaz Hai ye IshQ...
Apna 'Mehboob' hi is rog ka hakeem hota hai....

30th Jan 2014 - For All

ilzaam to aap par bhi lagayenge...
kagaz aur kalam meri...
na apko padha hota 'Ghalib'...
na inhe barbaad karta main....

29th Jan 2014 - For All

Na Raha Mujhe Shauk Ab...
Likhne'gaane ka...
Ki Tareeka badal gaya hai ajkal....
Ishq jatane ka...

29th Jan 2014 - For All

Mel na kaheyga e-zindagi lagta hai...
Tujse mera...Mujhse tera....
Main chahta kuch or hu...
Tu karati kuch or hain...

29th Jan 2014 - For All

Bech raha hu aam cheez main... Ishq lelo... Ishq lelo...
Bewafao'n ka zamana hai, nazrein chura rahe'n hain...
Lagta Hai ho chukin hai mohabbat inko bhi...Ek Baar To...
Tabhi..Darwazein Laga Rahe hai...Bahane Bana Rahe'n hai....

29th Jan 2014 - For All

068 - Ek Saal

Celebrating loneliness...

Lo beet gaya ek saal teri baho ke Majar mein…
Ki bacha raha main tanhai ke khanjar sein…
Teri ankho mein duba raha, khayalo mein khoya raha…
Jagate rahe khayal tere, na kabhi main soya raha…

Sun…
Dil mein ab bus hukumat hai sirf teri…
Mere lavo pea b guftgu hai sirf teri…
Meri batein mere vadein to the hi tere…
Ab ye jaan hai, wo hai sirf teri
Teri hasi, teri sharam, uff, itrana mujhe jalana…
Sb yaad ata hai, mushkil hai ab bhulana…
Pyar mein badh gaya, badh gaya, badhta gaya main be khabar..
Itna aage le ayi hai teri mohabbat, pata nhi kya manjil hai is dagar
Bus rakh apna haQ mujhpe tu… yahi kaafi hai, filhal is safar…

Chal, ek khel khele… Hissa baat lete hai…
Sab tera tum mere to sb kehte hai…
Meri sun…
Sab tera, main bhi tera, meri saari khushiya teri…
Mujhe jyada nhi, kuch kam dede… lele meri khushiya apne gham dede
Teri bateon ka deewana hu, tera khwaish se begana…
Mujhe jaisa bhi aya tujhse kiya, is ishQ se main tha begana…
Thak gaya tha, main ladte ladte hai apne hi sapno se..
Mujhe khafai, rusvai milti thi . khud apno se..
Tu ayi, khushi layi, mere honto pe ronak ayi…
Warna kaha koi nikal pata hai sapno se…
Tu khwab hai khubsurat, hakikat mein badal jaye to kya baat ho…
Teri palken uthe to roshan ho jau, jhuke to raat ho…
Har bar lagta hai, judaai se dar mujhe “e-jaan”
Alvida na kaha karo, jab jab mulaakat ho…
Lavz to bahaut hai…waQt kam hai mere pass…
Tu na sahi, teri kuch pal aaj bhi hai mere paas
Juda hona hi hai, to kyu na haske juda ho..
Rone ka na kaaran ho tere pas, na ho vajah koi mere paas

Kyu??
Haske tum alag hona, jab parayi ho jaogi
Kuch din baad kisi or ki baho mein so jaogi..
Aaj samne ho chhu ke mehsoos kar leta hu..
Kal to sirf mere “khayalo mein” reh jaogi..
Jaan, tum ek din mujhe door chali jaogi…hai na??

27th Sept 2013 15m Morn | In the deep memos of last love have 1 yr completed with her. On 27th Sept 2013...
I also wrote a large poem "loveyouforever -Sur" for her. Wonderful time with her...

067 - Sur

First Poem For Last Love

Arzi hai teri ki main aaj tere liye “kuch” likhu
Samajh nhi ata us “kuch” mein main kya likhu
Likh du bechainiya apne dil ki tujhe, ya jo khoya hai karaar likhu
Na likh saku badalti karwato ka dard, to kaha se kya tuje e-yaar likhu
Dekh! Na maine aj tak kiya hai jo, wo tere saath ho raha hai
Tu kahe to main apna, sirf apna, tere liye, aaj “pyaar” likhu
Likh du tere naam apni betabiyan, bebasi or majburiya
Ya tere liye jo dekhe wo sapne main tamam likhu…

Chal “Tujhse” shuru krta hu…
Tu hai wo sukoon jo mil jaye, to maja maut mein bhi na aye.
Tu hai wo khushi jo mil jaye, to maja jashn mein bhi na aye.
Tu hai tanhai ajab si, job bheed mein bhi akela kardeti hai mujhe
Tu hai purvai, jo roz sham ko mehka deti hai mujhe.
Tu hai wo ujli kiran jisske rub-a-ru se ye “Deepak” roshan hai
Tu hai wo chahat, jo mil jaye to koi khwaish na rahe
Tu sukoon hai, tu chain hai, mera karaar bhi tu hai.
Aaj sach kehta hu “Honey”, sathi humsafar to alag, mera pyar bhi tu hai

Ab kuch “meri” sunle…
Main hu awara badal, na jane kispe barsunga.
Par yakeen hai, tere liye har pal tarsunga.
Tu mil jaye bus, fir to agli saas nahi chahiye.
Tu ho baho mein, fir koi paas nhi chahhiye
Rakh bharosa mujh pe, tujh beshumar pyar dunga
Bachake rakha hai itne saalo se, har pal bar bar dunga
Tujhe rakhu piche palko ke, ankho mein basa lunga
Roz tujhe chhu kar tujhe or bhi tujhe nikhar dunga

Ab sun “mohabbat” kitni hai
Teri ankho ne Quaid kar liya hai meri najar ko
Ab jaha bhi dekhu, najar tu hi ati hai mujhe
Ye kya hai, ishq hai, fareb hai, bachpna hai ya bhool
Tu paas ake kyu nhi smjhati hai mujhe ?
Tab samjhayegi jab dil teri dhadkano se chalne lagega
Tab samjhayegi jab teri saaso se mera badan jud chukka hoga
Tab samjhayegi jab in ankho mein sapne tere ane laggenge… ya
Tab samjhayegi jab tere chehre ko dekh kar hi mera din nikla krega

Dekh!
Wakt hai abhi, mujhe sambhal de, mohabbt hone se
Warna fir koi nhi rok payega tujhe mujse mohabbt hone se
Ho gaya ishq to tujhe main khushi se bol dalunga
Kaske tujh baho mein, tere jism ko tod dalunga
Bebasi ki jindagi pe thuk-kar, main teri liye sapne dekhunga
Tera saath paate hi main apni kismat mod dalunga
Rakhunga tujhe bachake duniya ki buri njaar se…
Apni hasrat ko tujhme nichod dalunga
Na smjhunga, na smjhne dunga, be-inteha ishq jataunga
Ek ek katra apni mohabbat ka, main roz tujhpe luatunga
Bataunga tujhe zindagi ne kitni thokre di hai mujhe
Bataunga kitna jhulsa hu main khud ki barbadi mein
Batunaga tujhe maine gham kitna saha…or
Bataunga tujhe ki ye ankhein itni ghayal kyu rehti hai

Meri “hasrato” ko jaan le ab…
Hai hasrat hai tujhe gale lagake jee bhar ke rone ki
Teri sukoon bhari god mein sari umra sone ki
Ki meri adat ban chuki hai chupke chupke
Ansuo ki barish se apni palko ko dhone ki
Hai hasrat tujhe pyar itna du, tu “busss karo” kehde
Or main krta jau, krta jau, krta jau…
Teri jheel si akho mein, doob jau or tujpe harpal
Main marta jau, marta jau, marta jau

Sun!
Thak gaya hu main ladte ladte tanhai se
Ab to thaapad se lagte hai purvai se
Tu kuch kar is pathjhad ko sawan mein badal de
Paas aa, mera ishq to dekh gehrai se.
Ab tu hi bata likhne ko meri zindagi hai poori
Kya use tere liye main ab e-yaar likhu ?
Arzi hai teri ki main aaj tere liye “kuch” likhu
Samajh nhi ata us “kuch” mein main kya likhu...
-------------------------------------------------
Jabse dekha hai tujhe, mujhe khud nhi maloom ye kya hai
Ishq hai, jog hai… ye kaisi khala hai, kaisi bala hai
Aa na… samhja naa ake, main kya karu bechain hu bahaut
Is mohabbt ki aag mein ye "Deepak” ki kyu har pal jala hai

Thursday, 27/9/12 Night 10.00 pm - this poem is writing for last love when her love for me is 2% only and she asks for to write 2 lines for her. ..
Now think when it will be 100% then I write once again in front of her...

066 - Fitoor

Khauf hai mujhe, rubru na ho jaye rusvai-e-khuda mujhse....
Ki aksar use poojna bhul jaata hoon...
Tujhe "Soojhney" ke chakkar mein...

07th Feb 2014 - Last Love