002 - Beete Lamhe

Beete Hue Lamhe To Gaye… Par Teri Yadein Paas Chhod Gaye…
Tum To Door Hue, Par Fariyadein Paas Chhod Gaye…
Tumhe Pakar Humesha Khush Rehne Ke…
Kuch Pakke Kuch Nazuk Se, Irade Paas Chhod Gaye…
Beete Hue Lamhe To Gaye… Par Teri Yadein Paas Chhod Gaye…

Roye The Sawaan Mein Hum, Ansu Baarish Mein Beh Gaye…
Tanhai Ki Ghatao’n Mein Hum To, Judaai Ka Patjhad Bhi Seh Gaye…
Aayi Rut Jhulo’n Ki, Humne Tere Liye Bhi Lagaye The…
Par Wakt Ki Aandhi Mein Wo, Khali Hi Jhulte Reh Gaye…
Chhoti Si Mulakaat Ke Baad, Tum Lambi Raatein Paas Chhod Gaye…
Beete Hue Lamhe To Gaye… Par Teri Yadein Paas Chhod Gaye…

Sahara Na Mila Kisi Dost Ki Parchai Ka…
Padne Laga Tujh Bin Saaya Humpe Tanhai Ka…
Farebi Mehfilo’n Ko Ujaad Kar, Is “Deepak” Ko Pehchaan Lo…
Humse Pehle Itna Roshan Naam Na Tha Rusvaai Ka…
Wakt To Beet Gaya, Tum Kuch Batein Paas Chhod Gaye…
Beete Hue Lamhe To Gaye… Par Teri Yadein Paas Chhod Gaye…

17-10-20019 Q