041 - Adat Si Ho Gayi Hai

Chhodkar Mauj mastiyo ko, Tanhai mein rone ki adat si ho gayi hai…
Na nazare na bahare bus… Tujhe dekhte rehne ki adat si ho gayi hai…

Hai tere ishq mein kuch yu pagal ye deewana..2
Ki din mein sochne, raat mein jagne ki adat si ho gyi hai…
Kardia hai bechain teri yado ne is kadar…
Khuli ankhon se sapney dekhne ki adat si ho gayi hai…

Fursat nhi milti mujhe, tere ishq se ab jaan…
Ibadat se thak gaya, ab to kehna maan…
Na kar pyaar andha mujhse, par thoda yakeen to kar…
Ab to “dono” ek hai… jo kabhi hua karte the anjaan…
Simat kar teri yado mein tanha rone ki adat si ho gyi hai…
Chhodkar maujh mastiyo o, Tanha rone ki adat si ho gayi hai…

Itrana, Muskurana, wo karna nakhro ki barish…
In sabki ek hadh rakho, hai itni si guzaarish…
Na kuch kar sakta hu, mazboor hu halation se…
Na kaazi se, Na kisi or se, bus “baba” se hai sifaarish…
Tere hi bare mein sochte rehne ki adat si ho gayi hai…
Chhodkar Mauj mastiyo ko, Tanhai mein rone ki adat si ho gayi hai…

Rakh apna yakeen apne paas, kaam ayega…
Ye “banda” tere nagme subho-shaam gayega…
Hai bharosa aaj bhi mujhe apne pyaar pe…
Tere Naam ke sath mera naam ayega…
Hadh se jyada, be-intehah tujhse chahhat se ho gayi hai…
Chhodkar Mauj mastiyo ko, Tanhai mein rone ki adat si ho gayi hai…

Kabhi jo ek bar bhi dil kare kuch kehne ka…
Kehdena kuch bhi, dum rakhte hai hum sehne ka…
Agar sunke teri bat, mar bhi gaye jo hum kabhi…
To spna hai ansu banke, teri ankhon se ek bar behne ka…
Bus teri hi khushi mein khush hone ki adat si ho gyi hai…
Chhodkar Mauj mastiyo ko, Tanhai mein rone ki adat si ho gayi hai…
Na nazare na bahare bus… Tujhe dekhte rehne ki adat si ho gayi hai…

With memories of Princess & My last love - 28th Jan 14 (Write for Manish Monty)